Sverrir Ómar Ingason

28.2.2012 | 15:48

Áfram með barnaskapinn

Þingmenn landsins halda áfram að haga sér eins og krakkar í sölum Alþingis og nú um má sem ég hélt að allir vissu af.

Voru ekki tugir mótmælaskilta geymd inná skrifstofu Vinstri Grænna á milli mótmæla? var ekki fjallað um það að þingmenn væru að hvetja fólkið til þess að mótmæla ríkisstjórn Sjálfstæðisflokks og Samfylkingar í byrjun árs 2009?

Hvernig stendur á því að Steingrímur og félagar ráðast á æru manns sem staðið hefur vörð um Alþingi í gegnum öll mótmælin með miklum sóma og hefur alltaf komið mjög vel fram við allt og alla. Er það vegna þess að hann hyggst bjóða sig fram til starfa fyrir Sjálfstæðisflokkinn?

Er ekki jákvætt að góður maður sjái að hann geti gert gagn í stærsta stjórnmálaflokki landsins eða haldið þið að sá flokkur fái ekki betri kosningu heldur en þeir flokkar sem stjórnað hafa landinu síðustu 3 ár með misjöfnum árangri?

Kæru þingmenn þið gerið ekkert til þess að auka trú eða traust fólksins á störfum ykkar og ættuð að sjá sóma ykkar í því að boða til kosninga ekki seinna en strax!

	Klámhögg og lygar
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Álfheiður verður sér til skammar og ótrúlegt að hún sitji ennþá. Heimta rannsókn á þessu máli og að hún verði dregin til ábyrgðar. Þessi "bylting" var þjóðarskömm og smánarblettur á sögu okkar. Þetta var lítið annað en skemmdarverk og vanvirða.

Baldur (IP-tala skráð) 28.2.2012 kl. 16:05

Já, það vantar ekki barnaskapinn hjá þér SÓI. Stórasta lögga landsins er (að sjálfsögðu) búin að draga í land með fyrri yfirlýsingar og Stefán Eiríksson, lögreglustjóri höfuðborgarsvæðisins, hefur staðfest að nafn Álfheiðar komi ekki fyrir í frægri "skýrslu" FLokksframbjóðandans Geirs Jóns.

Þú heldur hins vegar ótrauður áfram að breiða út barnaskapinn af þekktri Valhallarfávisku. Í þokkabót þykist þú geta lagt að jöfnu landráð FLokksleiðtoga þinna, fyrir Hrun, og JóGrímu!

SjáLfstæðisFLokkurinn hefur afrekað það að verða aldrei aftur stjórntækur á Íslandi. Þjóðverjar kunnu að hantera svona böðla og þjóðarræningja eftir seinni heimsstyrjöldina.

Hilmar Hafsteinsson (IP-tala skráð) 28.2.2012 kl. 16:12

Eða er það kannski vegna þess að hann Geir Jón veit það sem hann veit í þessu máli og þar af leiðandi þá gæti hann ógnað stöðu þeirra...

Ingibjörg Guðrún Magnúsdóttir, 28.2.2012 kl. 16:14

mbl.is á að sjá sóma sinn í að loka á blogg manna eins og Hilmars Hafsteinssonar. Þetta er ósómi. Það vita það allir menn að VG á sinn þátt í þessum "mótmælum" og skrípaleik sem kallaður var búsáhaldarbylting. Það er hreinlega til skammar að fólk telji þetta einhvern merkan viðburð í sögu okkar, þetta var vanvirða við glæsta sögu okkar. Lögreglan stóð sig vel en átti á sínum tíma að taka harðar á því fólki sem hafði sig mest frammi í skemmdarverkum og ólátum.

Baldur (IP-tala skráð) 28.2.2012 kl. 16:28

Upp komast svik um síðir !

VG ungliðar töluðu af sér og fullt að fólki heyri nöfn þingmanna VG.

Kannski var hennar nafn þar á meðal :p, en allavega ætti VG ekki að segja þetta lygi.

Allt of margt fólk veit annað !

Birgir Gudjonsson (IP-tala skráð) 28.2.2012 kl. 16:45

Maðurinn á að halda kjafti svo lengi sem hann kemur fram sem opinber starfsmaður, í einkennisbúningi og öllu. Hvort hann er góður eða ekki skiptir eingu máli.

Gunnar (IP-tala skráð) 28.2.2012 kl. 17:14

Baldur (IP-tala skráð) 28.2.2012 kl. 16:28: Viljið þið Valhallarfávitarnir bara ekki reyna að múlbinda megnið af þjóðinni til að geta lifað áfram í afneitun á glæpsamlegri framgöngu FLokksins fyrir og í Hruninu?

Bara svo að þið íhaldstittirnir týnið ykkur ekki alveg í naflanum á stórustu löggu Íslands þá er rétt að minna ykkur á að Landsdómur réttar eftir nokkra daga yfir fyrrverandi formanni MafíuFLokks Íslands -sakaraefnið er glæpsamleg pólitísk vanræksla!

Hilmar Hafsteinsson (IP-tala skráð) 28.2.2012 kl. 17:19

Baldur.
Að sjálfsögðu á ekki að loka á neinn hér inni. Við búum í lýðræðisríki og fólk á að fá að láta í ljós skoðanir sínar með sínum hætti. Óvandaður málflutningur verður einungis þeim hinum sama að falli. Fólk sem eys svívirðingum til beggja hliða í obinberum skrifum eignast sér fáa fylgismenn. Hinum sem tala af yfirvegun, sanngirni og af virðingu við andstæðing sinn er frekar hlustað á.
Landsdómur mun að öllum líkindum taka fyrir mál Geirs Haarde og mun væntanlega leggja fram sanngjarnan dóm eða sýknu.
Sama hver niðurstaðan verður í því máli þá verður komið fordæmi fyrir því að draga fyrir Landsdóm hvern þann þingmann sem hefur brotið af sér eða brýtur af sér á meðan hann eða hún er með umboð sinna kjósenda.

Gunnar Magnússon (IP-tala skráð) 28.2.2012 kl. 17:46

Um leið og Geir Jón opinberaði sig þá hafa sumir vinstri menn ákveðið að gera tilraun til að slátra honum opinberlega. Það eitt finnst mér sjúklegt.

Ofsafengin viðbrögð sumar þingmanna segja mér bara að þeir hafa sitthvað tengt þessu máli á samviskunni.

Björn (IP-tala skráð) 28.2.2012 kl. 17:52

Hilmar, þú virðist ekki vera fær um að ræða málin af skynsemi og ætla ég ekki að fara út í að munnhöggvast við svona menn hér á blogginu.

Ég er ekki að hampa Sjálfstæðisflokknum í mínum skrifum og tel hann bera stærsta ábyrgð á mörgu sem illa hefur farið í okkar þjóðfélagi síðustu árin. Mér þykir stærstur hluti þingmanna í dag ekki sinna sínu starfi nógu vel og er þar engin flokkur undanskilin. Vonandi líður þér betur með tímanum.

Einnig skal það koma fram að Geir Jón var í viðtali á Bylgjunni þegar hann svarar þessari spurningu og var ekki klæddur í einkennisbúning lögreglunar.

Sverrir Ómar Ingason, 28.2.2012 kl. 18:16

Sverrir Ómar Ingason, 28.2.2012 kl. 18:16: Enn og aftur verð ég að leiðrétta þig SÓ(Ð)I. Menn sem éta allt upp hrátt sem Geir Jón FLokksframbjóðandi dylgjar um eru ekki að ræða málin af "skynsemi", heldur með sóðaskap og hálfkveðnum vísum.

Þú getur sett upp geislabauginn við önnur tækifæri en það vill bara svo til að ég þekki það vel til málsins að ég tel mig geta fullyrt að stórasta löggan á Íslandi gasprar hér um hluti sem hún ætti að vita betur - e.t.v. til að draga athyglina frá komandi réttarhöldum yfir nafna hans, landráðamanninum Geir H. Haarde. Annar góður vinur kristna kobba er svo Geiri smart - Goldfingerinn sjálfur!

Það segir sig sjálft að menn þurfa að læra að sniðganga sannleikann í slagtogi þessara FLokksbrodda.

Hilmar Hafsteinsson (IP-tala skráð) 28.2.2012 kl. 20:21

Hilmar, ef þú hefur ekkert annað fram að færa heldur en uppnefningar og endurtekningar byggðar á litlum rökum er þér alveg frjálst að sleppa því að tjá þig um bloggfærslur mínar í framtíðinni. Vona að þú hafir það gott í framtíðinni.

Sverrir Ómar Ingason, 28.2.2012 kl. 21:39

Sverrir Ómar Ingason, 28.2.2012 kl. 21:39: Sér eru nú hver "rökin" hjá þér SÓ-I minn:

1. Dylgjur: "Voru ekki tugir mótmælaskilta geymd inná skrifstofu Vinstri Grænna á milli mótmæla?" Hér er reynt á einstaklega lágkúrulegan hátt að tengja VG við skipulagningu mótmæla á Austurvelli.

2. Dylgjur: "Var ekki fjallað um það að þingmenn væru að hvetja fólkið til þess að mótmæla ríkisstjórn Sjálfstæðisflokks og Samfylkingar í byrjun árs 2009?" Hér er verið að lepja upp FLokksspuna stórustu löggu í Reykjavík og FLokksframbjóðanda.

Þú spyrð: "Hvernig stendur á því að Steingrímur og félagar ráðast á æru manns sem staðið hefur vörð um Alþingi í gegnum öll mótmælin með miklum sóma og hefur alltaf komið mjög vel fram við allt og alla." Geir Jón verður einfaldlega að svara fyrir þær dylgjur og hálfkveðnu vísur sem hann fer með. Lögreglustjórinn í Reykjavík er búinn að upplýsa að ekkert er hæft í fleipri Geirs Jóns um nafngreinda alþingismenn og sjálfur er krossferðariddarinn á harða stökki frá sjálfum sér í málinu.

Rúsínan í pylsuendanum hjá þér er þó: "Er ekki jákvætt að góður maður sjái að hann geti gert gagn í stærsta stjórnmálaflokki landsins eða haldið þið að sá flokkur fái ekki betri kosningu heldur en þeir flokkar sem stjórnað hafa landinu síðustu 3 ár með misjöfnum árangri?(!)

Afsakið meðan ég æli!

Hilmar Hafsteinsson (IP-tala skráð) 28.2.2012 kl. 23:16

Hilmar, mótmælaskilti voru geymd á skrifstofu Vinstri Grænna. Þetta sá ég með eigin augum og komu einnig myndir af þessu á netið á sínum tíma.

Um þetta var fjallað á ýmsum miðlum og er eflaust hægt að finna þær umfjallanir að nýju.

Þó að þú virðist vera mjög ánægður með störf sitjandi stjórnar þá er ég ekki sammála því og það breytist ekki þó að þú hagir á svipaðan hátt og þingmenn okkar með barnalegum uppnefningum í garð fólks sem þú þekkir ekkert.

Einnig hef ég ekki séð Geir Jón bakka með neitt þar sem hann svaraði eingöngu spurningu í viðtali og skildi svo lítið í því að þetta kæmi einhverjum á óvart, sjálfur vinnur hann að skýrslu um málið og vona ég að hún verði skemmtileg lesning.

Eins og ég sagði áður þá er ég ekki Sjálfstæðismaður og er ekki að reyna að verja neinn en ég er bara skynsamari en það að trúa því að Sjálfstæðisflokkurinn sé ekki að fara að fá ágætis kosningu í næstu kosningum, sagan segir okkur það að fólk mun alltaf kjósa flokkinn sama hvað gengur á.

Sverrir Ómar Ingason, 28.2.2012 kl. 23:37

Sverrir Ómar Ingason, 28.2.2012 kl. 23:37: Á nú líka að veifa eigin "skynsemi" SÓ-I? Landsdómur tekur til starfa í næstu viku í máli nafna Geirs Jóns FLokkstitts. Þú ert þá væntanlega nógu skynsamur (að eigin mati) að telja að réttarhöldin yfir landráðamanninum Geir H. Haarde verði FLokknum til framdráttar í næstu kosningum?

Ég vil vinsamlegast benda þér á þá staðreynd að talsmenn Radda fólksins áttu fund með forseta Íslands á Bessastöðum í febrúar 2009 þar sem þeir kröfðust þess að mynduð yrði utanþingsstjórn - ekki vinstri stjórn SÓ-I.

Eini tilgangurinn með því að hleypa JÓGrímu að hefur verið að sýna landsmönnum það svart á hvítu að fjórFLokkurinn er duglaus og ráðalaus, sama hvaða angar hans eru við stjórnvölinn.

Það er eins og þú sjáir engan möguleika í stöðunni annan en gamla fjórFLokkinn áfram - um aldur og ævi! Ég get upplýst þig um það að helmingur íslenskra kjósenda eru uppgefnir á fjórFLokknum og ætla ekki að kjósa hann næst. Það hlutfall er sífellt að stækka.

Geir Jón er innvígður og innmúraður FLokkstittur og hefur verið það um langan aldur. Sat praktuglega á lista undirpallaíhaldsins í Eyjum fyrir margt löngu. Honum er ekki viðbjargandi, þrátt fyrir niðurdýfingarskírn og Maríubænir.

Hilmar Hafsteinsson (IP-tala skráð) 29.2.2012 kl. 01:52

Hilmar, skrif þín sýna bara að þú þekkir ekkert til mín og minna skoðana. Ég hef lengi verið talsmaður þess að flokkakerfið verði lagt niður og fólk kosið sem einstaklingar. Ég hef bara því miður ekki mikla trú á því að á meðan þetta fólk sem nú situr á Alþingi verði gerðar nokkrar breytingar í þá áttina.

Það verðu mun erfiðara að stýra klíkuskapnum ef flokkakerfið verður lagt niður.

Sjálfur studdi ég það að utanþingsstjórn yrði sett yfir landinu í byrjun árs 2009 en því miður þá varð það ekki.

Vona ég að eitthvað af hinum nýju framboðum verði tilbúið til þess að færa frekara vald til fólksins ef það kemst til valda í næstu kosningum og setji lög til stuðnings því að hér verði flokkakerfið lagt niður.

Endilega kynntu þér betur mínar skoðanir áður en þú sakar mig um afturhald.

Einnig tel ég að landsdómur yfir Geir Haarde verði verði ágætis úrskurður um það að hér voru gerð stór mistök í stjórnsýslu landsins og ætti að draga fleiri fyrir dóm í þessu máli, en því miður þá er traust mitt til núverandi kerfis ekki meira en það að ég hef ekki trú á því að nokkur maður verði dregin til ábyrgðar á því sem hér gerðist.

Sverrir Ómar Ingason, 29.2.2012 kl. 07:26

Sverrir Ómar - þú hefur meiri þolinmæði en ég gagnvart þeim sem minna mega sín og glíma við andleg veikindi. Ekki eyða tíma þínum í að svara svona fólki, það skilur ekkert eftir sig. Fáir ef einhverjir sem mark taka á svona fólki.

Baldur (IP-tala skráð) 29.2.2012 kl. 10:57