Leita í fréttum mbl.is

Færsluflokkur: Stjórnmál og samfélag

Á þjóðinni að finnast þetta í lagi Jóhanna?

Hvernig er hægt að réttlæta þetta?

Er ekki venjan að fólk sem stendur sig vel í starfi fái launahækkanir og hinir séu látnir fara?

Það er kannski þetta sem hún átti við með því þegar hún sagði að allt væri á uppleið í landinu, það er ekki skrýtið að þessu fólki finnist ástandið ekki slæmt þegar laun þeirra hafa hækkað um meira síðustu þrjú ár heldur en margir hafa í heildartekjur á mánuði.

Þessi ríkisstjórn á eftir að tryggja aðra kreppu á Íslandi áður en hún hröklast frá völdum. Ef ekkert verður að gert fljótlega verður hér ekki búandi í langan tíma á eftir og mun unga fólkið halda áfram að flýja land í stórum stíl.

Hunskist þið frá völdum áður það er um seinan, þið svokölluðu jafnaðarmenn sem eruð hér allt að drepa.

  


mbl.is Laun forsætisráðherra hækkuðu um 217 þúsund
Tilkynna um óviðeigandi tengingu við frétt

Hagvöxtur???

Stöðugar yfirlýsingar sitjandi ríkisstjórnar um hagvöxt og batnandi efnahagsástand eiga því miður ekki við rök að styðjast.

Þær tölur sem Steingrímur og Jóhanna fela sig á bak við eru allt meira og minna óstaðfestar bráðabirgðartölur sem ekki standast nánari skoðun og er hækkandi verðbólga skýrt merki um það.

Stöðugt fækkar vinnandi fólki á Íslandi og mun þetta ástand halda áfram að versna á meðan þessi svokallaða ríkisstjórn situr við völd.

Farsi og ekkert annað er það sem fólki er boðið uppá frá Alþingi okkar Íslendinga og eru þar þingmenn stjórnarandstöðunnar ekkert betri en þingmenn stjórnarflokkanna. Frumvörp sem hafa ekkert með hag þjóðarinnar að gera og endalaust karp um hvað er hverjum að kenna hefur algjörlega steingelt þessa stofnun og verður þetta að breytast sem allra fyrst á meðan einhver möguleiki er á því að forða landinu frá öðru hruni.

Það nýjasta er að Jóhanna heldur því fram að Samfylkingin þurfi ekki að kvíða næstu kosningum þar sem hennar ríkisstjórn mun verða þekkt sem stjórnin sem kláraði málin. Þetta hlýtur að sanna það að forsætisráðherra landsins er algjörlega veruleikafirrtur. Annað hvort það eða hún var að reyna að segja brandara sem gekk því miður ekki upp.

Nú hefur Steingrímur öll völd í nýju atvinnumálaráðuneyti sem á bara eftir að stækka á komandi mánuðum, því miður hef ég ekki trú á því að þetta verði til þess að fjölga störfum á landinu né flýta fyrir þeim verkefnum sem nú þegar eru í vinnslu.

Það eina sem ég get ráðlagt ykkur kæru samlandar er að vona það besta en undirbúa ykkur undir það versta.


Kæri þingheimur

"Gleðilegt nýtt ár" er manni ekki hátt í huga þegar maður les fréttir fjölmiðlana þessar fyrstu vikur á nýju ári. Atvinnuleysi jókst í síðasta mánuði hins frekar viðburðalitla árs 2011 og satt að segja þá sér maður ekki miklar breytingar í vændum. Fleiri fyrirtæki stefna í þrot og aldrei hafa fleiri uppboð á eignum fólks verið á dagskrá sýslumannsembættanna heldur en næstu mánuði.

Á meðan á öllu þessu stendur heldur þingheimur áfram að eyða tíma sínum í að fjalla um hluti sem ekki hafa neitt með það að gera að reyna að snúa þessari þróun við. Forsætisráðherrann er algjörlega máttlaus og trúir því ennþá að héðan sé ekkert meiri fólksflótti en í "meðal" ári og fyrrum fjármálaráðherra reynir að sannfæra þjóðina um að skattar hafi ekkert aukist á fólk þess lands þrátt fyrir að nýjir skattar og gjöld hafi verið lagðir á Íslendinga í tuga tali frá því að hann tók við. Vonandi eru bjartari tímar framundan með nýjum fjármálaráðherra, þó að sjálfur hafi ég ekki mikla trú á því.

Þingheimur virðist algjörlega vera búinn að missa tengsl sín við þjóðina og spillingin virðist ekkert hafa minnkað þrátt fyrir fögur loforð ríkisstjórnarflokkana, endalausar fréttir af skýrslum sem stungið hefur verið undir stól og öðrum álíka faglegum vinnubrögðum hafa algjörlega lamað allar framkvæmdir sem fyrirhugaðar voru (sem kannski er ekki svo slæmt þar sem sumar þessara framkvæmda eru hvort sem er ekkert sérstaklega gáfulegar) og á meðan stendur þjóðin á hliðarlínunni og bíður eftir því að eitthvað gerist sem bendir til þess að hér sé batnandi ástand.

Hvernig stendur á því að það er ennþá verið að hirða eigur fólks sem á að vera í greiðsluskjóli á meðan að þeirra mál eru skoðuð? Hvernig stendur á því að það er vafamál um hvort að það sé löglegt að fyrirtæki fari um á næturnar og hreinlega steli eigum fólks á meðan það sefur? Hvernig stendur á því að ekkert virðist vera gert til að stöðva þetta?

Kæri þingheimur, VAKNIÐI nú og farið að vinna í þágu fólksins í þessu landi.


Hver er staðan í raun?

Staða hagkerfisins á Íslandi í dag er mér ekki ljós, margir tala um að allt sé á uppleið og hinir um að það sé ennþá allt á niðurleið eða hafi hreinlega staðið í stað í hátt í þrjú ár.

Fyrir lítt menntaðan, fyrrum millistéttar fjölskyldufaðir er erfitt að trúa á að hér sé batnandi ástand. Enginn leið er að ráða í fréttaflutning fjölmiðlana og raus stjórnmálamanna og hagfræðinga virðist engan enda ætla að taka og virðast fæstir þeirra vera sammála um hver sé hin raunverulega staða á okkar litla hagkerfi.

Það eina sem almenningur getur gert er að skoða málið útfrá eigin hag og hvernig staðan er í veskinu frá degi til dags.

Talað er um að fleiri fasteignir og bílar hafi selst á síðasta ári og sé það merki um batnandi ástand, en voru flestar fasteignir sem seldar voru ekki keyptar af eignarhaldsfélögum sem stefna á leigumarkaðinn? eða fjárfestar sem hafa ekki trú á verðbréfamarkaðnum og fjárfesta því frekar í fasteignum? og var ekki stærstur hluti nýrra bíla sem seldir voru á síðasta ári keyptir af bílaleigum sem urðu að endurnýja bílaflotann þar sem hann var orðinn of gamall til að hægt væri að leigja hann á fullu verði til ferðamanna sem hingað sækja?

Því miður finna verkamenn og konur á þessu landi ekki fyrir því að hér sé allt á uppleið, verðlag rýkur upp úr öllu valdi og það eina sem ríkisstjórn þessa lands gerir er að horfa máttlaus á, meðan fólkið í landinu velur milli þess að flytja úr landi eða að standa í röð og fá úthlutaðan mat hjá hjálparstofnunum, fleiri og fleiri flýja land og ríkisstjórnin getur ekki einu sinni viðurkennt að vandamálið sé til. Fleiri fjölskyldur eru sundraðar vegna þess að litla vinnu er að fá og þarf í mörgum tilfellum fjölskyldufaðirinn eða móðirinn að vinna erlendis til að halda uppi fjölskyldunni heima á Íslandi.

Staðan er því óljós að mörgu leyti en vona ég að staðan sé í raun og veru sú að hér sé efnahagsbatinn hafin og bjartari tímar framundan hjá öllum þeim sem berjast þurfa í bökkum á litla landinu okkar.


Höfundur

Sverrir Ómar Ingason
Sverrir Ómar Ingason
Námsmaður og fyrrum millistéttarauli
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband